زينة .......
يازينة البنات
يانن عين قلبى ........
ياشمس كات فى البلاد غابت ومن بدرى
قدرك مفيش حد يقدر ينجا م الأقدار
والخاين اللى غدر
داخل اكيد النار ...............
وانتى فى جنة خلد ويا النبى العدنان
مش جنة واحدة يازينة الجنة فيها جنان
فى ناس بتبكى عليكى وتشكى من حالك
مين اللى يزعل وعارف ان النبى جارك
مش زينة فينا الذبيحة اللى اندبح احنا
احنا اللى سبنا الديابة
تنهش فى جوارحنا ......!
احنا اللى كله كلام ف كلام
وما ارتحنا ...........!
ووزرا عاجزة ورؤسا غاوية تفضحنا
وشعب دافس دماغه ف قلب طين الأرض
مادام بعيد عننا بننسى دم ...... وعرض
من النهاردة انتى بنتى بالحرقة والأحساس
حقك يازينة ف رقبتى ورقاب جميع الناس
.................................................................
