قالوا سعادتة لمّ عصابتة
وبكرة الصبح خلاص جايين
جايين فين......جاى لمين
جاى لمين والناس نايمين..؟
قالوا الشعب العربى بحاله
علما ونبها... وفقها وجهلا
قالوا الشعب العربى بحاله
حتى عياله .........!
فرحتوا مش سيعاها الدنيا
فرحتوا زى ما تقول حاجة تانية
أكبر م إنتصارات أكتوبر
وأكبر من فتوحات حطين
أصل سعادتة لمّ عصابتة
وبكرة الصبح خلاص جايين
جايين فين ........حطين مين
حطين مين والناس نايمين
عدا الليل والشوق جوانا
خلق بتلبس ناس عريانة
ناس فرحانة وناس حزنانة
ناس بتطاوع ناس حرنانة
ناس ترتيبها ما بين لتنين
أصل سعادتة لمّ عصابتة
وبكرة الصبح خلاص جايين
جايين فين......ترتيب مين
ترتيب مين الناس نايمين
شوفت الكل حابس أنفاسه
شعب بكامل هيئة ناسة
خافض راسة رافع راسة
محكوم حاكم أو حراسة
فى إستقبال وفد السلاطين
أصل سعادتة لمّ عصابتة
وبكرة الصبح خلاص جايين
جايين فين ..وسلاطين مين
سلاطين مين إحنا السلاطين
جالنا وزى ما قال فى ميعاده
كل من أكلنا عشقوا وداده
قالوا متواضع واما أشادو
كل الناس زادوا وأفادو
انة شبية حبيب الملايين
يشبة مين....ملايين مين
ملايين مين والناس نايمين
زوقوا كل بلادنا عشانة
غسلوا شوارع سنة قدامة
هيّ دى مصر اللّى ف أحلامه
تمنين مليون فى إستقبالة
أفرح يابن الحاج حسين
تمنين اية..مليون مين
وحسين مين والناس نايمين
جوه الجامعة حشود أبو لامعة
وقفوا صفوف علشان السمعة
دخل الباشا وناسة الطامعة
ألقى سلامه ودمع دمعة
كل الواقف والقاعدين
أصل سعادتة سلامه مؤثر
ومتنساش جده أسمة حسين
بتقول اية...وحسين مين
وسلام مين والناس نايمين
حضر نفسه وقام يتكلم
جاب م الآخر بعد ما سلّم
مش علشان كان جدى انا مسلم
راح أتلجم..........
أو أبقيكم على ناس حبها جوه معلم
فإصحوا وفوقوا .......
بلاش نتكلم فى فلسطين
يصحوا لمين يصحوا لمين
يصحوا لمين الناس نايمين
قال وبقولها كلمة صريحة
حتى إن كانت دولة قبيحة
إحنا أخدنا شعوبكوا طريحة
من ترابورا ......لحد أريحا
فأعقلوا شوفوا بتكلموا مين
نعقل لية......يعقلوا مين
يعقلوا مين والناس نايمين
كل تلت كلمات أبو ليفة
يسمع م الحاضرين تصقيفة
بس الحق ابن الحريفة
جرى ع السلم جريا ظريفة
ورفع صوبع م الكفين
طب جة لية....نفهم اية
يفهموا مين.........
يفهموا مين الناس نايمين
القاهرة
2009
إهداء
إلى أبى و أمى وأخواتى ألتمس الدفء فى جواركم...............
إلى أقربائى و أصدقائى مازلتم تشاركون قلبى دموعة...........
إلى وطنى الذى طالما أسعدنى شقائى بين ربوعة................
_إلى أصحاب المنح و أصحاب المنع_
إليها سطوراً تداوى ما إقترفت يداها............
إلى الإنسان الذى أرقتة هموم الإنسان............
إليكم جميعاً .....أغمق لون
مجدي الصعيدي
إلى أقربائى و أصدقائى مازلتم تشاركون قلبى دموعة...........
إلى وطنى الذى طالما أسعدنى شقائى بين ربوعة................
_إلى أصحاب المنح و أصحاب المنع_
إليها سطوراً تداوى ما إقترفت يداها............
إلى الإنسان الذى أرقتة هموم الإنسان............
إليكم جميعاً .....أغمق لون
مجدي الصعيدي
من أنا
- مجدي الصعيدي
- الإسكندرية, Egypt
- أنا الشاعر بدون م اشعر.. شعرت بشىء شعور واضح.. فقولت الشعر م اللىّ شعرت بيه علطول.. انا الكلمة لكل الناس.. يموت من قالها لكن عمرها بيطول.... انا الغايب حيا وممات.. انا الامل اللى عاش ...مقتول
مين اللى قال ....
مين اللى قال البعد
بيموت الأحساس
م انتى بطول العمر
باعده وانا عاشقك
مين اللى قال الظلم
بيأسى قلب الناس
م انتى ظلمتى كتير
وما قولت يوم كرهك
مين اللى قال انك انتى
مش عندى كل الناس
م انا اهو بطولى خلاص
بعت الجميع لجلك
مين اللى قال كيدهم
يشبه شيطان وسواس
وسواس دا ايه يا بت
ودا يجى ايه جمبك
صدر للشاعر
- دفء الحمى........................ (ديوان عامية)
- قبل الغرق...........................(ديوان عامية)
- نقطة من دم قلب....................(ديوان فصحى)
- الفجر الأخير .......................(ديوان فصحى)
- أغمق لون......................... (مجموعة قصصية)
- طوارىء.........................(مسرحية شعرية)
- اليلة الأخيرة.......................(أوبريت غنائى)
للشاعر قيد الطبع.....
- مشتل الأمة.........................(ديوان عامية)
- النص الباقى.......................(ديوان عامية)
- بضاعة قديمة......................(ديوان فصحى)
- الأيام الطوال.......................(ديوان فصحى)
قائمة المدونات الإلكترونية
مات القلم.........
مات القلم ..........
مات الكلام فوق الورق
شبت سطورى تشد حرف من الغرق
قبل الغرق...........
فرحت شوارعنا البريئة
إتحررت بعد القلق
لما النهار جية فى الميعاد المنتظر
آذن عليا ألف طير
وانا لسة ماسك فى القلم
واما انكسر.......
كان لسة ماسكنى الألم......!
مات الكلام فوق الورق
شبت سطورى تشد حرف من الغرق
قبل الغرق...........
فرحت شوارعنا البريئة
إتحررت بعد القلق
لما النهار جية فى الميعاد المنتظر
آذن عليا ألف طير
وانا لسة ماسك فى القلم
واما انكسر.......
كان لسة ماسكنى الألم......!
اختشوا....
الوش ايه كرّمشة
إلا خيانة الجار
والقلب ايه خدّشة
غير الألم والتار
وجوفنا ايه عطّّشة
غير ترك لستغفار
والعربى ايه همّشة
غير خوفه م الزوار
وتقول لمين اختشوا
كانوا خافوا حرق النار..!!
إلا خيانة الجار
والقلب ايه خدّشة
غير الألم والتار
وجوفنا ايه عطّّشة
غير ترك لستغفار
والعربى ايه همّشة
غير خوفه م الزوار
وتقول لمين اختشوا
كانوا خافوا حرق النار..!!
سجنونى.......
سجنونى انا والقلم
والاتهام ( فضاح)
قلم بيكشف ذمم
ملعونة كل صباح
أقفل بيبان الألم
تربس وبالمفتاح....
لا تشوف ف عينى ندم
ولا الضمير يرتاح
قلمى حبيب الوطن
قلمى دواء وسلاح
عمرة ما خاف المحن
صاحى ف ليل وصباح
والحق مهما وهن
الحق عمره ما راح ........
والاتهام ( فضاح)
قلم بيكشف ذمم
ملعونة كل صباح
أقفل بيبان الألم
تربس وبالمفتاح....
لا تشوف ف عينى ندم
ولا الضمير يرتاح
قلمى حبيب الوطن
قلمى دواء وسلاح
عمرة ما خاف المحن
صاحى ف ليل وصباح
والحق مهما وهن
الحق عمره ما راح ........
ندمان.......
خدعوك بإسم العروبة
والحق والتحرير ......
ومشيت بعين معصوبة
فوقعت جوة البير ......
على مين بتطلق رصاصك
وبتضرب الدانات ....!
وتحط رجلك فى راسك
قال يعنى ندمك سكات
ندمك ده مش مشكلة
المشكلة اللىّ مات .....
والحق والتحرير ......
ومشيت بعين معصوبة
فوقعت جوة البير ......
على مين بتطلق رصاصك
وبتضرب الدانات ....!
وتحط رجلك فى راسك
قال يعنى ندمك سكات
ندمك ده مش مشكلة
المشكلة اللىّ مات .....
يصرخ......
يصرخ ومين يسمعوا
ويحس بآهاته.....
مين يصدقوا ما يخدعوا
يمسح عذاباته.......
ما فى حد حاسس حد
واللىّ اختشوا ماتوا....
ويحس بآهاته.....
مين يصدقوا ما يخدعوا
يمسح عذاباته.......
ما فى حد حاسس حد
واللىّ اختشوا ماتوا....
الحقيقة.....
انت عارف انى عارف..!
ماتحاولش تلف بيا....
مستحيل نعمل تعارف ..
.
واحنا عارفين الضحية....!
ماتحاولش تلف بيا....
مستحيل نعمل تعارف ..
.
واحنا عارفين الضحية....!
خوف.......
نفس خوفك هو خوفى
بس عامل من كسوفى
انى اجمد م الحديد ..
وانتى لو خيفانى شوفى
عرقى أهو مبلل كفوفى
ونفسى طالع من بعيد ..
خايفة انتى أبعد
وخوفى ......
تبعدى أكبر
فشوفى ......
حل فى الخوف الشديد....
بس عامل من كسوفى
انى اجمد م الحديد ..
وانتى لو خيفانى شوفى
عرقى أهو مبلل كفوفى
ونفسى طالع من بعيد ..
خايفة انتى أبعد
وخوفى ......
تبعدى أكبر
فشوفى ......
حل فى الخوف الشديد....
حاله الترابط الأنسانى الأن بيننا
عرفت أنا مين....؟
أنا مصرى ........
فجأنى الهم من صبحى
إلى عصرى........
رضيت همى..........
رضيت عصرى .........
ولا يوم قولت إشمعنى.......
ولا إتبراءت من أصلى.....!!
فجأنى الهم من صبحى
إلى عصرى........
رضيت همى..........
رضيت عصرى .........
ولا يوم قولت إشمعنى.......
ولا إتبراءت من أصلى.....!!
