وبعد سنين
لقيتنى وحيد....!
ومسح الشيب على شعرى
تالت اربع خمس مسحات
فبطلت انى اسهرلك
واسرح فى سبع سماوات
وبطلت انى اعشق مسكه الاقلام
وانزفلك على الجوابات
وحرمت اترهن قدام شبابيكك
او العتبات ........
اميره قصرنا الابيض
يامستنيه يجى امير
وينزل من سبع طبقات
على حصانه اللى شبه الطير
ما تستنيش.......
سبينى لحد تانى اعيش
مانيش ليكى ... ماليش فيكى
انا مرسل من الماضى
وجاى لجل اعزيكى
فشدى الحيل.........
أميرك مات
أميرك مات ...!
الأسكندرية 2000
