الثلاثاء، 22 ديسمبر 2009

ربك معاك.......


قوم ليه قطعت النفس
ياعم ايه صابك..!
من ضربتين تتخرس
تتشل اوصالك

لسه طريقنا طويل
قوم كمله يلا
من ضربتين هتميل
وحد يا سيدنا الله

قوم شد تانى العود
إفرد قوام ضهرك
فرحت فينا اليهود
عيد عندهم قهرك

الله وعد موعود
للشهدا حور وجنان
إرجع يا اخويا وعود
للسنة والقرآن

ارجع لرب عظيم
معروف بآياتة
رحيم قوى وكريم
بديع فى سماواته

نصرك اكيد ليه تخاف
ربك معاك فاكر
ارسل فى بدر جنود
لا اتصابوا ولا ماتوا.....

القاهرة
2009
مرسلة بواسطة في