طياراتك......
طياراتك فوق دماغنا
(مش مجامله)....دى (حقيقة)
طياراتك فوق دماغنا
جايه لجل يخوفونا ...!!!
والجميع ع الشاشة شافنا
ناس بريئة
وهما جايين يخرجونا
بأى منطق أو طريقة
وبمجاملة بصورة هابلة
بصورة هابلة فى جميع النماذج
بصورة أعبط من عبيطة
بشكل همجى ضعيف وساذج
اللى راكب فوق حصانه
واللى راكبه سنين شيطانة
واللى صايع وبجدارة
واللى يفهم عنه جملة أو حمارة
واللى جه بملتوف يهيس
واللى ساق هبله وجنانه
هو ده التأيد يا ريس
هو ده الجيل اللى بعت الناس
عشانه.........!!!
جيل يساعدك فى انتخابك
إشتر يتة بحر مالنا
جيل يصقف يوم خطابك
أو يزيٌط......
أو يطبل يوم ما تطلع ثورة منا
أو يعيٌط......
جيل يحافظ ع المؤامرة
جيل يدبٌحلك خصومك
جيل بتاع نفسين وخمرة
جيل بيلبس من هدومك
جيل مدروخ.....
جاى لجل يدوخونا
جاى لجل يركبونا ف ساقية تانى
جاى يقتٌل قى حقوقنا
أو يدٌبح فى الأمانى
هو ده التأيد يا ريس
هو ده آخر ما عندك.!!
هو ده الفكر الكويس
كل ده من فعل عندك
مين يآمن ليكو تانى
بعد ما كشفنا السريقة
مين هيمسك يوم لسانى
بعد ما نطق الحقيقة
سبنا ما تخافشى علينا
مصر طول العمر حرة
بكرة نبنيها بإيدينا
تبقى وسط الدنيا درٌة
سبنا جايز تفتكر لنا أى صورة
تفتكر إن إحناكنا معاك بنحلم
حتى وانت فلى الكهولة
تفتكر إن ف زمانك
صعب كان فينا حد يسلم
إن لبس توب الرجولة
تفتكر إن إحنا ياما صبرنا وانت
زى ما انت..... زى ما انت
لسه واخداك البطولة .!!
القاهرة
2011
