أخضر ورٌورٌ ورٌاورٌ
صابح فكر العقيد
بهاريز علم المناور
م المحتال العنيد
نظرية فى البطولة
والأمن ( الوقوقائى)
تنفع كى جى وأولى
ولرابعة إبتدائى
دستور خاص للعشاير
من كل طيف ولون
إعدام لكل ثائر
كده بنص القانون .!!
فقراته من إفتكاسه
تأليف واحد عصامى
بنى نفسه من حماسه
للسرقة.......
صبح حرامى ...!!
سلطة شعبية خالص
من باطه ف العباية
وبتمسك فى القوانص
والكبدة للنهاية
لجان ثورية صامدة
ولا ثاروا للحظة يوم
وخبيتهم خيبه جامدة
وتقطع فى الهدوم
ولجان ثورية بيئة
بتهنكر فى الخفاء
وتحض على الخطيئة
وتنم عن الغباء
مرتزقة ف كل صف
والشعب ف صف واحد
والراجل عقلة خف
من كتر ما قلبوا جاحد
أكبر مرض وراثى
جنون الافتخار
طفح إسود أو رصاصى
مصحوب بالانبهار
أعراضة سهلة واضحة
مفهومة للجميع
تبداء بفضيحة صابحة
تنتهى بفشل ذريع
فيروس ف أربع عقود
ولسه ما انتهاش
نمرود فاق الحدود
أخرته مترين قماش
نسناس ناطق مدلس
شافط بترول بلاده
ناوى الزحف المقدس
سايق عبطه وعناده
على مين يزحف عظامتة
كانوا زحفوا على اليهود
فاكر نفسة بسلامتة
ريتشارد كلب الأسود
فارس وزعيم محارب
على صدره ميه وسام
ولا شوفناه مرة حارب
آخرة بياع كلام
رممى مرادف لأممى
حاجة خانقه وشغل فاشى
ولا يقدر حتى يحمى
قيراطين ذرة فى المناشى
عايز يزحف عليهم
مهو زاحف من سنين
ومطلع عقده فيهم
وكأنه بميه قرين
عايز يزحف ما يزحف
أهو يبقى رجع لأصلة
وسعتها الكل يعرف
أصل الزوحلف وفصلة
بكره يواجه مصيرة
جوه قفص الزواحف
ياما قبلوا حاولوا غيره
صبحوا صورة ف متاحف
مكتوب تحتيها خاين
سفاح مجرم خسيس
باع شعبه والمداين
وبلغة العصر سيس....
القاهرة
2011
